Dr Schdrubelpeder

» Dr Schdrubelpeder «

Schlemme Gschichda & ächd alde Bilder

Ens Schwäbische gschwädzd
vom
Helmut Pfisterer

32 Seiten, Hardcover

Dui Gschichd vo dem saumäßich baisa Friederich

Dr Friederich, der Duanedguad,
Bloogd d Leid on d Dierla bis uffs Bluad.
Da fangd er d Mugga en dem Haus
On zubfden glei druff d Fliegel raus.
Noo machd er d Schdiahl on d Veegl hee,
De Kadza duad er exdra weh.
Der Blitz isch älles bloß ned fromm;
Jedz beidschd er au nooh s Gredle rom
Am Bronna schdohd a großer Hond,
Drenggd Wasser dord, sei Durschd isch gsond.
Da schleichd mid seira Beidsch drzua
Dr Friederich, der Lombabua,
On haud uff sellen Hond dord nei,
Ganz arg, mer heerds am Hond seim Gschrei.
Jedz beißd en der bis uff dr Gnocha,
Der lengge Fuaß, der hangd wia brocha.
Dr Friedrich joomerd on grageeld,
Mer heerd scho dassem ebbes fehld.
Der Hond, nooh emmer voller Zoora,
Laufd weg on läßd den Kerle schmora … …